復活節大小金門吃喝玩樂單車遊(2017 年 remaster 版本)
復活節一連五天,一行十一人,到大小金門以單車吃喝玩樂。
![復活節大小金門吃喝玩樂單車遊(2017 年 remaster 版本)](https://i0.wp.com/www.eggstudio.com/wordpress/wp-content/uploads/2012/12/mg_6451.jpg?resize=960%2C640&ssl=1)
5-4-2012 晚深圳搭夜車往廈門,第朝日出到站,一覺訓醒到站。食過早餐後,搭船到金門。
2017 年按:三年前廈深高鐵開通,視乎班次,最快三小時可達,不用坐 9-12 小時通宵巴士了。
來往廈門金門航線響近代中國政治發展有特別意義,被稱為小三通航線 — 廈門有五通及東渡兩個來往金門嘅碼頭。我地由五通碼頭搭船,航程約半小時,完成簡單嘅「出入境手續」後,就「小三通」通咗到台灣省。
2017 年 remaster 版本
之前同人講開金門,只係得一個年紀頗大嘅人知道金門屬於台灣省,而絕大部分 80、90 後根本一頭霧水,儘管報稱台灣是鄉下,卻搞不清台灣台北台南台中,也答不出點解冇台西,同一般美國中學生認知:香港響東京隔離一樣。金門的歷史背景,當然不知道。
入住離碼頭約半小時腳程嘅民宿,雙人房價錢約 NT$1800。而我住果間有兩層,上下各有一張床。 民宿乃閩式建築,約有九十年歷史,經翻新後批予來自台灣本島的營運者經營。
2017 年按:2012 年後也到過金門幾次,都是入住這小店,價錢沒有變,但面積大了,因為開發了旁邊的荒廢民居。
![「小倆口」民宿,雙人房約港元 $400 一晚,包早餐。](https://i0.wp.com/www.eggstudio.com/wordpress/wp-content/uploads/2012/12/dsc_0962.jpg?resize=960%2C540&ssl=1)
![金門特產 -- 高梁酒。留意,酒樽下是槍堡。](https://i0.wp.com/www.eggstudio.com/wordpress/wp-content/uploads/2012/12/img_8254.jpg?resize=960%2C640&ssl=1)
![民房旁邊總有一座半座坑道出入口。](https://i0.wp.com/www.eggstudio.com/wordpress/wp-content/uploads/2012/12/img_8255.jpg?resize=960%2C639&ssl=1)
![借用政府提供的單車前,先要看影片,學習單車安全知識,及了解金門的自然環境。](https://i0.wp.com/www.eggstudio.com/wordpress/wp-content/uploads/2012/12/mg_5769.jpg?resize=960%2C640&ssl=1)
大金門
第一天下午匆匆遊覽莒光樓、建功嶼及金城鎮民防坑道。
遊覽位於金城鎮巴士站旁邊嘅金城鎮民防坑道必須跟導賞團,導賞團每小時一團,每次限五人(計一計,一日做埋 30 人唔夠,一年做唔到好多遊客),所以我地一開二,第一隊遊覽金城鎮民防坑道,第二隊到莒光樓及建功嶼,之後行程互換。我帶完隊先到莒光樓,莒光樓統戰味重,若從遊客角度,只係一間展品不多的國軍歷史博物館,對金門歷史的闡述不及小金門烈嶼鄉文化館。因此,要了解金門,應把時間花在小金門烈嶼鄉文化館。因此,我立刻建議另一隊 skip 莒光樓,反而留多啲時間到建功嶼,因為趁潮退可以行或踩單車登島,遠眺廈門,近看鄭成功像。
![坑道有入場人數限制,有興趣要早到 book 位。](https://i0.wp.com/www.eggstudio.com/wordpress/wp-content/uploads/2012/12/img_8319.jpg?resize=960%2C640&ssl=1)
![金城鎮民防坑道設有體驗路段 -- 睇睇頁底 video 體驗一下。](https://i0.wp.com/www.eggstudio.com/wordpress/wp-content/uploads/2012/12/dsc_0950.jpg?resize=563%2C1000&ssl=1)
![從山上望建功嶼。](https://i0.wp.com/www.eggstudio.com/wordpress/wp-content/uploads/2012/12/img_8315.jpg?resize=960%2C640&ssl=1)
![岸邊遺留不少戒嚴時之防衛設施。](https://i0.wp.com/www.eggstudio.com/wordpress/wp-content/uploads/2012/12/img_8303.jpg?resize=960%2C640&ssl=1)
睇多啲