玻璃樽版「凝冰可樂」

凝冰可樂響大部分嘅人到依家都唔明原理嘅情況下蕓花一現，點知今日俾我響一間鄉郊士多飲到。

天時地利人和 –> 老闆冰櫃攞支汽水出嚟，然後響水櫃「過冷河」一陣（我就泊緊單車 — 延伸閱讀牛牯嶺探路失敗記），去到我手時溫度合適，所以一開蓋，即刻開始「凝冰」。

老闆見到嚇咗一跳，之後因為係玻璃樽，冇得扭番實然後搖幾搖，所以我立刻攞支飲筒隊入去撩幾撩，之後大半支汽水凝咗冰。我向老闆解釋凝冰原理，佢應該今晚會係咁嘗試，試到成功後支汽水可以賣貴啲。