日前行經側魚涌「香港大酒店」對面之瑞興茶餐廳，門口餐牌午餐有兩款：窩蛋免治牛飯及洋蔥豬扒飯
選了窩蛋免治牛飯，侍應阿嬸說：「冇窩蛋免治牛飯㗎！」
「冇你又寫出嚟？」我道。
「寫出嚟唔表示有得賣㗎嘛。」
結果點了洋蔥豬扒飯。
這是典型港式洋蔥豬扒飯，雖然材料只係急凍豬扒、洋蔥、茶餐廳批發洋蔥汁，不過味道非常好。大大塊豬扒，外部炸得微脆，內裏鬆軟，洋蔥切得大片，汁濃，沒有搵笨格局。
傳統港式洋蔥豬扒味已經買少買少，由於近年某些茶餐廳甚至冰室扮中產路線，例如由某些明星 / 二三線演員 / 暗星開，或者貼滿某某明星「到此一食」照片，這些餐廳刻意迴避傳統港式味道，但又學不到高級或外國餐廳的水平，結果落得不倫不類。
因此，若有幸吃得正宗港式口味，請向本報投稿推介。