上山下海遊神山 — 【圖文影片遊記】
到達海拔 3200m 的旅館後，吃一頓豐富又美味的晚餐，然後睡覺，大約半夜二時起身，吃過宵夜，準備登神山山頂！
六個人一間房。旅館好彩有暖氣，不過要沖凍水涼。 
之前講過，旅館乃一間五星酒店集團包起嚟做，儘管響高山有限資源下，食物水準奇高。開頭諗住得麵包、白飯等等，不過自助餐形式下，竟然有燒牛肉、羊架、沙律、炒粉麵飯、生果甜品、咖啡或茶一應俱全。 
6.0km 標距柱。 
4095.2m @ peak 
日出後，落山時清楚睇到，接近山頂的一段路的斜度足足有 40-45 度，所以一定要用繩索借力。 
據登山指南及導遊所講，爬神山一般規定為兩日活動。神山最高位置係寸草不生嘅大岩石，冇明顯嘅路徑，因此要用繩索指示路線。部分路段斜度超過 45 度，需要靠繩索借力。離開旅館後我行得比人快，所以前路冇人，假如堆埋響其他登山客裏，去到需要攀繩索位置時，由於繩索得一條，就會「大塞車」。
大約走多六百米，攀過亂石堆後，終於登上 4092.6m 山頂。而同行日本人亦響幾分鐘後抵達。
由於比預計時間快了一半，加上山頂大風又凍，離日出還有約兩個鐘，所以在山頂「例牌影相位」打卡後，就跟導遊躲進附近一個大石凹位內保暖及小睡。導遊早有準備，帶了睡袋睡覺。
不過天公不做美，當日雲層極厚，凍完一輪最後看不到日出。見勢色不對，於是趁早落山，一來太凍，二來避開繩索位「塞車」。
回到旅館，小休後吃早餐，執包袱落山……神山之旅到此匆匆完結。
神山 Q&A：
(1) 神山易唔易行？
從山腳至旅館一段一般會預六至八個鐘，所以有行山底子嘅人唔會有大問題。而且沿途有好多個休息站，只要唔急，行吓停吓影吓相睇吓風景，我沿途冇見過有人有問題。 不過，旅館後攻頂一段就需要手腳並用，而且響夜晚，就算冇高山症，都有一定難度。
睇多啲