先幾日行去買菲林，見有 Holga 針孔鏡頭 for Sony A-mount (亦有 for E-mount 及其他大路相機牌子)，立刻買支玩吓！
諗諗吓，上次影針孔已經差唔多 15、16 年前，仲要加張寶麗來 + 測光表先夠膽㩒快門。依家用數碼機，亂嚟都冇問題。
根據說明書 (其實係 “說明紙”) ，鏡頭 = 光圈 f8。由於 a99 配備電子 viewfinder，唔駛試好多張已經摸出大概快門及 ISO 門路。以 ISO 3200 為最低消費，配自動快門，用 EV+- 去做微調，天色灰矇矇下，影出嚟有六、七成菲林 feel。
由於 a99 於極高 ISO 表現出色，以 ISO12800 或更高做出 push 沖效果。以一百蚊價錢，換嚟無限樂趣，認真抵玩。
